REKLAM
Təndirdə bişirilmiş Lənkəransayağı Çəki balığı
Çəki balığı - 25q, baş soğın - 40q, lumu - 15q, cəfəri - 15q, istiot, duz.
Çəki balığı təmizlənir, istiot və duz vurulub bütöv şəkildə təndirdə bişirilir. Süfrəyə verildikdə yanına dairəvi doğranmış lumu dilimləri və baş soğan qoyulur, cəfəri göyərtisi səpilir.
Təndirdə qızardılmış kütüm
Kütüm balığı - 250q, pomido - 50q, xiyar - 50q, baş soğan - 30q, keşniş göyərtisi - 15q, narşərab - 15q, istiot, duz.
Balıq təmizlənir, yuyulur və istiot və duz vurulub bütöv şəkildə təndirdə qızardılır. Süfrəyə verdikdə yanına təə tərəvə qoyulur və göyərti səpilir. Ayrıca narşərab verilir.
Kütüm ləvəngisi
Təzə kütüm - 253q, qoz ləpəsi - 50q, baş soğan - 30q, ərinmiş yağ - 10q, zoğal axtası - 25q, kişmiş - 50q, duz.
Balıq bütöv şəkildə təmizlənir, içalatı çıxarılır və yuyulur. Yağda qızardılmış soğana döyülmüş qoz, isladılıb xırda doğranmış zoğal axtası və kişmiş qatılıb qiymə hazırlanır. Balıq duzlanır, içinə qiymə qoyulub sapla sarınır, qızdırıcı şkafda bişirilir. Süfrəyə verildikdə eninə tərəfə tikələrə doğranır.
Qızardılmış qızıl balıq
Qızıl balıq - 248q, buğda unu - 10q, ərinmiş yağ - 25q, baş soğan - 40q və ya göy soğan - 50q, narşərab - 5q, cəfəri - 15q, istiot - 0,1q, duz.
Qızıl balıq təmizlənir, girdə tikələrə doğranır. Duz, istiot vurulur, unla urvalanıb yağda iki tərəfi qızardılır və bir neçə dəqiqə qızdırığı şkafda bişirilir. Süfrəyə verdikdə yanına doğranmış baş soğan və ya göy soğan düzülür, üstünə göyərti səpilir, yanına narşərab qoyulur.
Öz buğunda bişirilmiş kütüm
Təzə kütüm - 253q, ərinmiş yağ - 15q, baş soğan - 30q, quru alça - 3q, lavaşana - 5q, keşniş - 15q, istiot - 0,1q, duz.
Təmizlənib yuyulmuş balıq tikələrə doğranır, azacıq qızardılır və dayaz qazana yığılır. Üzərinə yağda qızardılmış soğan, alça, lavşana, su və istiot tökülüb öz buğunda bişirilir..Süfrəyə verdikdə üstünə xörəyin öz şirəsindən tökülür və göyərti səpilir.
İçi doldurulmuş xəşəm: Məhsulların miqdarı və haırlanması qaydası kütüm ləvəngidə olduğu kimidir.
REKLAM
