Semed Vurğun - Men Telesmirem

  1. Semed Vurğun şeirlerin dinle - Men Telesmirem şerini oxu



    Dostlar, badələri qaldırın içək!
    Gecə, ulduzludur, hava da sərin.
    Demirəm məst olub dünyadan keçək…
    Deyirəm mehriban düşüncələrin
    İsti qücağında qızınaq bir az…
    Qoy uzansın gecə, geciksin səhər,
    Yuxuya getməsin məclisdəkilər –
    Mənim söhbətimdən yorulmaq olmaz.
    Hələ yer üstündə, insan yanında
    Deyib danışmaqdan doymamışam mən…
    Uzadaq ömrünü hər bir anın da,
    Yel kimi keçməsin vaxt üstümüzdən…
    Bu aylı gecədə, bu dağ döşündə,
    Bu sazlı, söhbətli bulaq başında
    Bu saat, bu dəm
    Heç yana, heç yerə mən tələsmirəm!

    ***
    Sevgilim, qolunu boynuma dola!
    Demə ki, yorğunam, ya qocalmışam.
    Mən hələ dünyadan nə zövq almışam?
    Dur, bütün aləmi gəzək qol-qola!
    Yenə də fikrimin səyyar yelkəni
    Dənizdən – dənizə atsa da məni,
    Qorxma! Ürəkdə de:: «Uğurlar ola!»
    Dur, bütün aləmi gəzək qol – qola,
    Sellərdən, sulardan yeyin axsam da,
    Şimşəklə yanaşı göydə çaxsam da,
    Nə şadlıq səyirtsin atını, nə qəm,
    Heç yana, heç yerə mən tələsmirəm!

    ***

    Sən də, ovçu dostum, tələsmə sən də,
    Bu qəlbi dağları qoy asta aşaq.
    O çay yanındakı yaşıl çəməndə
    Asta addımlayıb ağır dolaşaq.
    Hər güllə, çiçəyə salam verməsəm,
    Xoş üz göstərməsəm, xoş üz görməsəm;
    Nanələr, reyhanlar inciyər məndən.
    Güllərin yarpağı tökülər dən – dən…
    Odur ki, yel olub çöldə əsmirəm,
    Heç yana, heç yerə mən tələsmirəm!

    ***

    Bulud tez keçməsin başımın üstdən,
    Çay da yavaş axsın…sular boyunca.
    Baxım hər zərrəyə, baxım doyunca…
    Ürək tərpənməyir ötərgi səsdən,
    Nə çıxar bir anlıq yanan həvəsdən?

    ***

    Elə zənn etmə ki, ağırlaşmışam,
    Ayağı sarıqlı şikəst bir quşam…
    Qoy dünya böyüsün, zaman uzansın,
    Bir günün ərzində aylarla yansın
    Al günəş üzündən nur yağa – yağa..
    Ömrün kitabını tamamlamağa
    Çox da can atmasın əlimdə qələm,
    Mən tələsmirəm,
    Mən tələsmirəm!

    Semed Vurğun

     

     

    Sarsın - 04.05.2012 - 01:27
  2. bunun tehlili yoxdu sizde

     

     

    rammile elixanova - 14.11.2013 - 14:39



Benzer Konular

  1. Semed behrengi
    Konuyu Açan: firuze 5, Forum: Soru - Cevap.
    Cevaplar: 1
    Son Mesaj : 22.03.2013, 14:26
  2. Semed Vurğun - Ana
    Konuyu Açan: Sarsın, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 21.10.2012, 15:52
  3. Semed Vurğun - Bir Ses
    Konuyu Açan: Sarsın, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 04.05.2012, 01:32
  4. Semed Vurğun - Dağlar
    Konuyu Açan: Sarsın, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 04.05.2012, 01:22
  5. Semed Vurğun - Heyat Felsefesi
    Konuyu Açan: Sarsın, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 04.05.2012, 01:18

copyright

Soru Cevap