Cabir Novruz Şerleri

  1. Men nece yasayim olu gunleri?!

    _____***_____
    Sən məni təkliyin aldın əlindən,
    Təzədən təkliyə düçar eylədin.
    Özün kövrəkliyin... alıb əlindən,
    Özün kövrəkliyə düçar eylədin...
    ***
    Ömrümün, günümün bu qürub çağı,
    Ruhumda baharı göyərdə bildin.
    Könlümdə qaralan odu, ocağı,
    Təzədən yandırıb közərdə bildin.
    ***
    Təzədən açıldı qolum, qanadım,
    Təzədən od saldım sənin odundan.
    Hətta saçlarıma məhəl qoymadım,
    Hətta yaş həddi də çıxdı yadımdan.
    ***
    Qələmi, dəftəri qoydum bir yana,
    Az qala ilhamı yaddan çıxartdım.
    Səpdim günlərimi ayaqlarına,
    Adınla oyandım, adınla yatdım...
    ***
    Demə bu məhəbbət, demə bu sevgi,
    Ötəri hiss imiş, ötəri həvəs.
    Yox imiş təməli, yox imiş kökü,
    Dəyəri bir qara qəpiyə dəyməz.
    ***
    Özün bu sevdaya sövq etdin məni,
    Sonra öz əlinlə özün dağıtdın,
    Özün hicrana öyrətdin məni,
    Özün bu kitabı açdın, bağladın.
    ***
    Özün də axırda dandın sözünü,
    O andlar, amanlar de, harda qaldı?
    Sən gəldin, yollardan çəkdim gözümü,
    Sən getdin, gözlərim yollarda qaldı...
    ***
    Yenə də tuş oldum qəmə əzizim,
    Soldu bağçalarım, soldu bağlarım.
    Tənhalıq ölümmüş demə, əzizim,
    Mən necə yaşayım ölü günləri?!
    _____***_____

    Cabir Novruz

     

     

    Sarsın - 24.06.2011 - 00:03
  2. Sen getmisen
    _____***_____
    Sən getmisən, sanma sevgim yox olub.
    O ölməyib, yaşayır,əvvəlki tək.
    O səninlə, mənim ilədoğulub,
    O son dəfə mənim iləöləcək.
    ***
    O taledən ikimizin payıdı,
    İkimizin ürəyində göyərdi
    Zaman-zaman neçə ildi, ay idi,
    Hər gün bizim qəlbimizi döyərdi.
    ***
    O düşmüşdü ağızlara, dillərə,
    Nəğmələrin qanadında uçurdu.
    Şer olub dolaşırdı elləri,
    Öz qoynunu sevənlərə açırdı.
    ***
    Müqəddəsdi... yaranmışdı çün haqdan,
    Onu əyə bilməmişdi bir fələk.
    Çıxmışdı hər imtahandan, sınaqdan,
    İki ürək olmuş idi bir ürək.
    ***
    Nə qədər ki, yaşayıram mən varam,
    O da sağdır, demək o da yaşayır.
    Ona bir yad nəfəs dəyə,qoymaram,
    Mən bu yolda ağartmışam başımı.
    ***
    İllər ilə yar qadasın yar alar,
    İndi biz tək sevən hanı, əzizim?
    Biz ikimiz o dastanı yaratdıq,
    Mən, sən yazdıq o dastanı əzizim.
    ***
    O dastanın öz ünvanı, öz adı.
    Yalnız gülüm, bizim ikimiz olduq,
    Həmi onun müəllifi, ustadı,
    Həmi onun qəhrəmanı, biz olduq.
    ***
    Güc alıram daim onun gücündən.
    Onu yalnız zaman, silə biləcək.
    O sədadır, o nalədir, içimdə.
    Yalnız gülüm, o mənimlə öləcək.
    _____***_____

    Cabir Novruz

     

     

    Sarsın - 24.06.2011 - 00:08
  3. Seni unutmaqdan otru
    ______*_____*_____*______
    Ən dözülməz ağrılara, acılara tab edirəm,
    Şeytandan ümid umuram, iblisə xitab edirəm,
    Ürəyimin al qanını döndərib şərab edirəm,
    Başıma çəkib içirəm səni unutmaqdan ötrü,
    Arzumu kəsib biçirəm səni unutmaqdan ötrü...
    ______*_____*_____*______
    Röyalara meyl edirəm bəlkə yadımdan çıxasan,
    Gözlərimi qırpan təki görürəm mənə baxırsan...
    Sən həqiqətin özüsən, ya xəyalısan, yuxusan,
    Öz-özümlə döyüşürəm səni unutmaqdanötrü,
    Qabıq verib dəyişirəm səni unutmaqdan ötrü...
    ______*_____*_____*______
    Köküsümü cırıb açıram ayrılığın küləyinə,
    Bütün keçmiş-keçənləri xəlbirləyib ələyirəm,
    Qaşıq-qaşıq istiotu əndərirəm xörəyimə,
    Acı-acı gülüşürəm səni unutmaqdan ötrü,
    Hicran ilə öpüşürəm səni unutmaqdan ötrü...
    ______*_____*_____*______
    Ay ilə həmfikir oluram uzun-uzun gücələri,
    Gündüzləri sağa-sola hey ölçürəm küçələri,
    Otağımda gizlənirəm sındırırsan pencərəmi,
    Ünvanımı dəyişirəm səni unutmaqdan ötrü,
    Daha nə yollar düşünüm səni unutmaqdan ötrü?..
    ______*_____*_____*______
    Çözələnir xatirələr, könlüm, ruhum qübarlanır,
    Tarım durur əsəblərim, enir, qalxır damarlarım,
    Su verirəm meynələrə, mıx vururuam divarlara,
    Zülmət quyuya düşürəm səni unutmaqdan ötrü,
    Sinəmi söküb deşirəm səni unutmaqdan ötrü...
    ______*_____*_____*______
    İş olmayan yerdə belə özümə iş gördürürəm,
    Qışda qar təmizləyirəm, yayda milçək öldürürəm,
    Bütün sək-rəqibləri öz üstümə güldürürəm,
    Hey haldan-hala düşürəm səni unutmaqdan ötrü,
    Ürəyimlə ötüşürəm səni unutmaqdan ötrü...
    ______*_____*_____*______
    Səndən özgə nə vurğunam, nə möhtacam kimə isə,
    Səndən qeyri olmasa da ehtiyacam kimə isə,
    İstəyirəm ürəyimi qəsdən açım kimə isə,
    Yalandan eşqə düşürəm səni unutmaqdan ötrü,
    Mələklərlə "görüşürəm" səni unutmaqdan ötrü...
    ______*_____*_____*______
    Gözümdən çətin gedəsən gözümə qor dolmayınca,
    Canımdan çətin çıxasan canım rahat olmayınca,
    Son ümidim, son pənahım o dünyaya qalıb ancaq,
    Bu dünyamı dəyişirəm səni unutmaqdan ötrü,
    Ölümə elçi düşürəm səni unutmaqdan ötrü...
    ______*_____*_____*______
    Cabir Novruz

     

     

    Sarsın - 24.06.2011 - 00:11



Benzer Konular

  1. Cabir Novruz Serleri - Sen Getmisen
    Konuyu Açan: Leyl-i Lal, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 09.10.2011, 23:54
  2. Cabir Novruz
    Konuyu Açan: Sarsın, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 17.03.2011, 03:03
  3. Cabir Novruz - Kas Milletde Ruh Yasasin
    Konuyu Açan: Leyl-i Lal, Forum: Azerice Videolar.
    Cevaplar: 0
    Son Mesaj : 15.03.2010, 13:49
  4. Allaha Yalvarış - Cabir Novruz
    Konuyu Açan: Şayeste, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 07.03.2010, 10:48
  5. Cabir Novruz
    Konuyu Açan: Leyl-i Lal, Forum: Azərbaycan Ədəbiyyatı və İncəsənət.
    Cevaplar: 0
    Son Mesaj : 23.02.2010, 23:46

copyright

Soru Cevap